天公不作美！休息一天！

由於預計星期天的天氣不佳取消行山活動，所以星期六這天就跟黑鬼到了深圳閒逛，今天目的地是到一間法國人外資的大型運動用品超市看看．


如果係坐火車係落馬洲去的話可以再坐深圳MTR去到深圳之窗站H1地面出口等坐去宜家既免費穿梭車或者坐的士都係十幾蚊．如果係深圳灣口岸過去的話直接坐的士話去宜家就$26蚊．

一去到就因為未食午餐所以就去左宜家食，同埋諗住睇下有o的乜野香港冇既． 不過佢地o的野食真係差過香港好多，最攪笑係有王老吉都冇汽水．

地方當然係比香港大好多啦，而佢地賣既家具一般都比香港貴！

行左一陣要去今日目標迪卡濃，其實先前都去過佢地個網站睇過下先，一般泥講都係只諗住睇下o的短既快乾衫，手套，Raincover，行山褲之類平價野．主要都係諗住睇下佢旗下一隻賣行山用品牌子叫Quechua ．



點知去到好多貨都無！手套冇，Raincover想買個30-55既又冇，得返50-80既．行山褲我就覺得貴左少少，最後只係買左兩件快乾衫$45蚊一件．但係黑鬼就買左成幾佰蚊野．．　
不知不覺行到成7點鐘就坐返車去世界之窗MTR去金光華廣場，因為黑鬼話想去一間香港無既美國店American Apparel 買o的野．．呢間野真係貴到無人有．．一件爛鬼T shirt都六舊幾打上！　最後黑鬼又買左件衫三舊幾喎！最平架啦～
到最後我地去左鼎泰豐食晚飯，之後去埋沃爾瑪買左o的寶礦力同埋一o的小食之類就返香港．下次先去書城同埋去火狐狸仲有係去小肥羊．