疾行六山

地點：馬鞍山-小瀝源
日期：2009年4月11日
預期天氣：有薄霧短暫時間有陽光
預期氣溫：溫度21-26c / 濕度70-90%
旅程時間：1000-1530
原定路程長度：約10公里
最後路程長度：不變
原定路程：馬鞍山郊野公園-吊手岩-牛押山-馬頭峰-大金鐘-昂平-芙蓉別-水牛山-黃牛山-大輋-黃泥頭
最後路程：不變
沿路補給：沒有
中途離開：有
風景：*****(六星為最正)
難度：****(六星為最高難度)
體能要求：*****(六星為最辛苦)
起點交通：馬鞍山村村巴84R(新港城中心-耀安村巴士總站-馬鞍山村)．
終點交通：黃泥頭村有多路巴士，小巴通往各地．

注意：
(1)大部份路段全無遮蔭處，必須備充足糧水及夏季高溫時慎防中暑．
(2)多段山峰斜度高低上落差大，崎嶇難行，極需具良好體能．
(3)吊手岩至馬頭峰部份路段狹窄及兩旁近乎直崖，必須小心行進．

路線簡說：
馬鞍山高702m，馬鞍山與牛押山相對，形成馬鞍形狀，故名馬鞍山。旅行人士將它以及險峻的吊手岩山嶺，分為馬頭峰(即馬鞍山主峰)及馬鞍尾(牛押山)。在新界多處都可以看見這個「馬鞍」．
每年三月尾至四月初時如在馬鞍山山峰上，便有機會欣賞各種不同的野生杜鵑遍佈山嶺。

後感：
今年復活節假期沒有出外遊樂，所以跟阿琳同決定操一課急步的六連山走．今次捨遠取近地選擇自己天天都會望到的馬鞍山！

一早食完早餐之後就係耀安村搭車上馬鞍山郊野公園，上到去之後做左二十分鐘熱身就開始今日行程，起點係馬鞍山樹木研習徑涼亭後一個危險牌上去吊手岩．準時1000就起步，路徑都好好行，而其中有些山友設下既繩索路段都全無需要用到．不知不覺未到11點己經到達吊手岩，上到去仲好清楚咁望到自己屋企，本來諗住搵o的野搖下叫老媽見唔見到我，不過最後都係打消呢個鬼主意，費事一陣其他人見到誤會報警就大單．

影左幾張相之後就拿拿聲直上牛押山，因為見到山頂開始有霧，如果持續咁樣會有少少危險，始終呢段路有部份都有少少險位．霧雖然沒有再加強，但係山頂風勢一o的都唔細，所以係好多當風位我地都要急急腳但係又小心咁走，行到去馬頭峰時天氣又好返好多．因為仲有好多時間所以我地決定上埋大金鐘再到昂平先休息一下．

差唔多1230便去到昂平休息食午餐，睇下人玩傘同飛機．休息左半個鐘我地又再上路向水牛山進發，由於剛剛食完午餐所以我地就閒遊左一陣差唔多2點先到水牛山腳．上山前又見山頂開始有霧！心諗今日上親山就有霧，真係有o的不快！最後解決完水牛以及黃牛都攪掂埋，順順利利三點鬆o的就係廣源村搭車返屋企．

疾行六山相簿