雨霧大刀屻

地點：粉嶺~嘉道理農場-蝴蝶山(蓬瀛仙館)
日期：2009年4月26日
天氣：多雲 ， 有幾陣雨
氣溫：溫度18-21 c / 濕度85-95%
旅程時間：1030-1500
原定路程長度：約7公里
最後路程長度：無改變
原定路程：嘉道理農場-南大刀屻-北大刀屻-箕勒仔-蝴蝶山-(蓬瀛仙館)
最後路程：無改變
沿路補給：沒有
中途離開：有
風景：****(六星為最正)
難度：**(六星為最高難度)
體能要求：**(六星為最辛苦)
起點交通：大埔鐵路站 - 九巴64k或65k(嘉道理農場下車)
終點交通：粉嶺鐵路站及有多路巴士，小巴通往各地．

路況注意：
(1)大部份路段全無遮蔭處，必須備充足糧水及夏季高溫時慎防中暑．
(2)部份路段斜度高，需一定體能．
(3)部份路段靠於山崖，小心行進．

路線簡說：
大刀屻位於林村郊野公園之內，此山脊上亦分為南大刀屻566m及北大刀屻480m，而西望伴有比它們更高一點的雞公嶺572m，北面更可見深圳口岸；東望大埔吐露港以及八仙嶺；南面更見香港首峰大帽山．
大刀屻名來源於此峰因山脊狹長，仿如一把大刀鋒．雖然山脊狹窄，但是險處建有欄杆以防安全，所以路上亦不覺險．
起點為嘉道理農場對面，起步後便要於2公里的路程內拾級而上到達566m之南大刀屻，雖然首段比較辛苦，但當天氣好時，登上頂峰360度視野一望無際，必然值得．其後便沿脊輕微上落往北大刀屻，最後便下降到蝴蝶山終點．

後感：
由於早一天天文台曾發出黃雨警告，所以都算定今次可能取消活動．不過幸好早上起來看看天看看天文台報告並無問題，便致電參加的朋友準時大埔集合，原定有十人出席最後只得五人同行．

1030大隊到達大刀屻起點(嘉道理農場對面)，但係一見山頂立即無哂胃口，大霧～此時只是天陰陰還算好呢！做左一陣熱身便出發．一鼓氣地hea住上山，越上越大霧能見度還好有十幾米．因為預左上到山會乜都睇唔到，所以都係諗住留待下一次好天重臨拍照．不經不覺就好快去到南大刀屻，我地只係影幾張相就繼續行程．

就係呢個時候雨忽然越落越大，終於迫到我地攞件非常之sharp既雨衣用，大雨大霧中徒步真係好有行軍feel．hea下hea下咁我地1500左右就係原定終點完成今次活動．

大刀屻開頭真係比多左o的星星佢，行過之後我自己會比一粒星星佢，不過最想係睇下好天氣的山下景觀．

雨霧大刀屻相薄